स्कुटर दुर्घटना हुँदा एक जनाको मृत्यु भएको छ भने एक जना बेपत्ता भएका छन् । चितवनको भरतपुर महानगरपालिका– ४ को तेह्र साल चोकमा गयराती ना ३४ प ९९४१ नम्बरको स्कुटर दुर्घटना हुँदा एक जनाको मृत्यु भएको हो ।
स्कुटर अनियन्त्रित भई इन्डियन पेन्सन क्याम्पको देब्रेतर्फको नहरमा स्कुटर दुर्घटना हुँदा स्कुटरमा सवार मेघौली निवासी ५० वर्षीय भविश्वर भण्डारीको मृत्यु भएको हो । उनी भरतपुरको धर्मचोकमा व्यवसाय गर्दै आईरहेका थिए । यस्तै स्कुटरमा सवार १ जना नहरमा डुबेर बेपत्ता भएको र खोजी कार्य भईरहेको प्रहरीले जनाएको छ । भदौ-१९, २०७५